Srijeda, 28 Oktobra, 2026

Današnje vijesti

Današnje vijesti
Vijesti

Partizan u nokdaunu, Dubai na korak od titule

sportoteka202604 mins
Foto: Dubai Basketball

Košarkaši Dubaija savladali su ekipu Partizana rezultatom 86:81 i poveli sa 2:0 u finalu ABA lige. Za ekipu Dubaija utakmicu su započeli Rajt, Musa, Bertans, Anderson i Kabengele, dok su “crno-bijeli” krenuli sa Džounsom, Braunom, Bongom, Osetkovskim i Džekirijem. Sudije na današnjoj utakmici su bili Tomislav Hordov (Hrv), Miloš Koljenšić (CG) i Josip Radojković (Hrv).

Prve poene na utakmici je postigao Bonga šutem iz okreta, a za Dubai prvi koš je postigao Anderson. Obe ekipe su bile izjednačene i nakon prvih 5 minuta je bilo 7:7. Poslije toga su trojke razmijenili Džouns i Rajt, nakon čega je uslijedio televizijski tajm-aut. Vođstvo za Partizan je donio Fernando zakucavanjem, nakon sjajnog pasa Vašingtona. Poslije toga centar iz Angole pogađa “faul-koš” i podiže razliku na +5. Razliku je smanjio Prepelič koji je nakon nepažnje odbrane ostao sam na trojci. Na kraju četvrtine Beograđani su vodili 4 razlike, a rezultat je bio 20:24.

“Crno-bijeli” su sa trojkom Vašingtona digli razliku na +7, ali je Dubai odgovorio sa 5:0 serijom i smanjio na -2. Ubrzo su trojke razmijenili Vašington i Avramović, a onda su trojke pogodili Pokuševski i ponovo Avramović. Dubai je ipak bolje zaigrao i prvo trojkom Rajta, pa onda i flouterom Muse poveo 1 razlike. Partizan je ponovo došao do vođstva nakon bacanja Sterlinga Brauna. Ipak, na poluvrijeme su obe ekipe otišle izjednačene, a koš u posljednjoj sekundi je postigao Kalates flouterom iza table. Na semaforu je bilo 42:42.

Četvrtinu je sjajnim zakucavanjem započeo Fernando, ali Kabengele odmah odgovorio na drugoj strani. Dvije trojke su za “crno-bijele” vezali Osetkovski i Bonga, te povećali na +5. Dubai je odgovorio preko Muse i Andersona i smanjio na -1. Ekipe su bile izjednačene i rezultat je bio 54:54. Na terenu je krenuo obračun između Fernanda i Kabengelea koji su postizali poene za svoje ekipe, a rezultat je bio 60:61 za Beograđane. Vođstvo za Dubai donosi Avramović koji pogađa trojku iz ćoška, a onda na +3 razliku diže Bejkon. Na kraju bolje se snalaze domaćini i u posljednju dionicu ulaze sa +2.

Odličnu sekvencu na početku četvrtine je imao Bejkon sa svoja 4 poena, a nakon toga je Kalates dobio tehničku i Dubai je podigao razliku na +7. Seriju domaćina je prekinuo Karlik Džouns koji je pod faulom naslonio loptu na tablu, a onda bio i precizan sa penala. Ipak, na drugoj strani je srpski košarkaš Aleksa Avramović pogodio svoju četvrtu trojku i vratio razliku na 7 poena prednosti. Dubai je nastavio sa dobrom igrom i podigao razliku na maksimalnih 11 poena prednosti, nakon čega je uslijedio tajm-aut Đoana Penjaroje. Partizan je preko Vašingtona uspio da dođe na 6 poena zaostatka, a do kraja meča je bilo nešto manje od 90 sekundi. Ipak, to je bio zadnji pokušaj “crno-bijelih” i Dubai je došao do nove pobjede.

Najbolji u redovima Partizana su bili Fernando sa 16, te Džouns sa 15 poena. Dvocifreni su bili još Vašington sa 12, a 11 je dodao Bonga.

Domaćina su predvodili Musa sa 16 poena, a njemu su pomagali Avramović sa 14 i Kabengele sa 13 postignutih poena.

Sljedeći meč se igra 10.6. i domaćin je Partizan.

Komentariši

Povezane vijesti