Reprezentacija Egipta savladala je nakon penala Australiju i tako je prošla u osminu finala. Naredni meč će igrati protiv pobjednika duela Argentine i Zelenortskih Ostrva.
Bolje su otvorili “kenguri” utakmicu, te su već u petoj minuti imali sjajnu priliku preko Volpata. Bivši igrač Rome je šutirao izvan šesnaesterca, ali je njegov šut pogodio prečku. Ipak, Egipćani su sjajno odgovorili, lijepo je centrirao Hafez, a na njegovu loptu je naletio Ašur i savladao Biča za vođstvo “faraona”. Šuteve su kasnije razmijenili O’nil i Marmuš, ali se rezultat nije mijenjao. Zaprijetili su “sokerosi” preko Behiča, čiji je šut lako odbranio Šobeir. Poslije toga je pokušao Volpato, ali njegov šut završio pored gola. Do kraja poluvremena nije bilo ozbiljnijih šansi, pa su “faraoni” na poluvrijeme otišli sa prednošću.
Na početku drugog poluvremena je Marmuš pokušao da duplira prednost svog tima, ali je njegov šut prošao pored desne stative. Pokušavali su “kenguri” da poravnaju rezultat i to im je uspjelo u 55. minutu kada je Hani postigao autogol, skrenuo je loptu u svoju mrežu za radost Australije. Nije bilo previše uzbuđenja, sve do nadoknade regularnog dijela. Zaprijetili su Rabia i Hasan, ali je golman Bič bio sjajan i odveo je svoj tim u produžetke.
Sjajnu šansu u produžetku je imao Salah za “faraone”, ali je loše zahvatio loptu i njegov udarac je otišao iznad gola. Produžeci nisu donijeli više šansi, pa su se ekipe pripremile za izvođenje penala.
Penali:
1. serija: Sutar očajno i visoko preko gola, Saber siguran, 0:1 za Egipat
2. serija: Irvajn precizan, Rabija takođe – 1:2
3. serija: Mabil lagano daje gol, Salah izvodi uspešnu “panenku” – 2:3
4. serija: Herington promašuje – Abdelmagid pogađa za 4:2 i šalje Egipat u osminu finala.
Emam Ashour gives Egypt an early lead! 💪#FIFAWorldCup pic.twitter.com/nguDy92dPO
— FIFA World Cup (@FIFAWorldCup) July 3, 2026
